Du kan bla til neste sideBla med piltastene

Regjeringas likestillingspolitikk er tannlaus, og dei få konkrete tiltaka deira vert ikkje følgd opp.

Utan vilje til likestilling

KronikkHelga Eggebø
Ikkje nok: Regjeringa fører ein ullen likestillingspolitikk og gjer for lite for å hindra diskriminering og trakassering, skriv kronikkforfattaren. Her deltek statsminister Erna Solberg og barne- og likestillingsminister Solveig Horne på ungdomskonferansen «Sammen mot hatprat». Foto: Terje Pedersen, NTB Scanpix

I 2015 lanserte den blåblå regjeringa sin likestillingspolitikk, i form av meldinga «Likestilling i praksis». Her slo dei fast at der er store likestillingsutfordringar i utdanning, arbeidsliv og familieliv, og når det gjeld rettstryggleik, trakassering og vald. Men i praksis ville dei ikkje gjera noko med det. Meldinga var legendarisk tannlaus – full av ulne og uforpliktande formuleringar. I den grad der i det heile var tiltak i meldinga, var det ting regjeringa hadde tenkt å gjera uansett, av heilt andre grunnar enn likestilling.