Tysdag var ein god dag for dei som har lengta etter «more cowbell». For å markere si vreide over tilbodet frå staten i jordbruksforhandlingane, hadde bondeorganisasjonane mobilisert gardbrukarar frå nord til sør i landet til ein stor protestmarsj frå Grønland aust i Oslo til Stortinget. Det var ei høglydt forsamling på om lag 3500 bønder som hadde ei klar melding til partia på Stortinget.