Du kan bla til neste sideBla med piltastene

Vi må snu på den vestlege filosofien og frigjere oss frå dagens system, oppfordrar forfattar Erland Kiøsterud:

Vil ha ei ny forteljing å bu i

LitteraturRuna Kvalsund (tekst) og Tom Henning Bratlie (foto)
I det små: Bokaktuelle Erland Kiøsterud understrekar at han på ingen måte er eit supermenneske. Men han prøver å gjere sitt økologiske fotavtrykk så lite som mogleg.

Bildet av oss sjølve som suverene gjer oss blinde for den strukturelle valden vi utøver mot jorda vår, skriv Erland Kiøsterud i «Sulten og skjønnheten».

Kva slags forteljing er det vi bur i? Kan vi halde fram med å bu i den same forteljinga om verda og mennesket skal kunne overleve? Og korleis skal vi leve for ikkje å rasere livsgrunnlaget til vår medskapningar? Dette er spørsmål som forfattar Erland Kiøsterud stiller i det filosofiske essayet «Sulten og skjønnheten» som nyleg er utkomen på Forlaget Oktober.