Oppslaga om innleigd vaskehjelp den siste veka viser at sjølv om avfallsstoff frå kroppen har vore eit sentralt problem så lenge menneska har budd i hus, er det framleis mykje som blir feia under teppet. Å ha makt er å ikkje måtta rydda opp etter seg, og filosofihistoria kan frå og med Platon lesast som eit samanhengjande forsøk på å sleppa unna reinhaldet. Både når vismennene frå oldtida går aktivt inn for slavehald, og nyare tenkjarar er blinde for at skit finst og må fjernast, er grunnvilkåret at nokon andre skal gjera det.