•Det enklaste er som kjent pistol. Frankrike måtte komma med eit svar etter at hatet slo til i kjærleikens by. Eit heilt land og ei heil verd kjente på sorg, frykt og sinne etter at IS-terroristar hadde skote, sprengt og drepe minst 129 menneske. Folk vil at dei ansvarlege, og deira medsamansvorne, skal bli straffa. Vi vil at styresmaktene skal handle for å gi oss tilbake kjensla av å vera trygge. Mange føler nok også behov for hemn. Derfor greip Frankrike til våpen. «Vi kjem til å kjempe, og den kampen kjem til å bli nådelaus», varsla president François Hollande laurdag. Søndag kveld slapp ti franske kampfly minst 20 bomber over Raqqa i Syria, «hovudstaden» til IS.