«Kva blir det igjen av han, denne bøddelen, etter at dei rytmiske blodskvettane har ebba ut og guten ligg att død i armane hans?», spør løytnant Lam, hovudperson i Erlend Kaasas andre roman. I «Livius» undersøkjer Kaasa behovet vi har for ei sak å kjempe for, og kva denne kampen kan gjere med oss. Eller, for å seie det med Lam, korleis «bestialitetens morfologi» verkar – i krigen, men også i livet utanfor: «Når språket ditt endrar seg, vil også du endre deg», seier Lam.