Står Edward Hoppers ikoniske skildringar av det moderne USA nærare surrealismen, enn den realismen kunstnaren sjølv sverja til? Det hevdar filmskaparen Gustav Deutsch. I filmen «Shirley – Visions of Reality» har han, saman med multimediakunstnaren Hanna Schimek, bygd filmsett av 13 kjende Hopper-verk, for så å fylla dei med sine eigne tolkingar av USAs historie gjennom dei fire tiåra Hopper var aktiv målar, frå cirka 1930 til slutten av 1960-åra. Deutsch og Schimek var på Kortfilmfestivalen i Grimstad i sommar, der dei viste sin eigen film og førte nye argument til ein lang debatt om Edward Hoppers inspirasjon frå og påverknad på spelefilm.