«Jeg er rett og slett sjokkert», sa Inga Marte Thorkildsen, SVs tidlegare barneminister. Sjokket kom fordi etterfølgaren, Frps Solveig Horne, vil endre barnelova. Horne vil framheve delt bustad som samværsform for ungar etter skilsmisse, at dei skal bu om lag halve tida hos kvar av foreldra. Ho vil gjera det vanskelegare for ein av foreldra å flytte med ungane til ein annan stad og slå ned på dei som hindrar samvær.