Finansdepartementet produserer jamt og trutt ny politikk tufta på harde fakta og mjuke vurderingar. Ymse utval er ein del av maskineriet, og nyleg kom den fyrste rapporten til Produktivitetskommisjonen. Utvalsleiaren Jørn Rattsø har bore til torgs dei viktigaste funna: Jamført med andre land er produktiviteten i norsk økonomi høg; til liks med stoda i dei fleste land veks produktiviteten saktare enn før. Ymse tiltak bør difor gjennomførast – gjeve at levestandarden i Noreg framleis skal vera i verdsklasse.