Den 29. oktober 1925 stod lensmann Lunde saman med fleire andre av Utsiras mest sentrale menn framfor stemmeurna i bedehuset. Det fyrste heradsstyrevalet i den splitter nye kommunen var gjennomført, og no skulle røystene teljast. Året før hadde Utsira blitt skilt ut frå Torvastad kommune, og dei tolv mennene i interimsstyret hadde så god von om fornya tillit at dei ikkje ein gong stilte liste.