Til helga blir dei 87. Oscarprisane delte ut i Los Angeles. Heilt sidan nominasjonane vart lagde fram i midten av januar, har ein av dei store spørsmåla vore: Kvifor er dei mest prestisjetunge priskategoriane både framføre og bak kamera fylde med blendakvite namn? Jamvel ein demokratisk kongressrepresentant frå San Fernando Valley, Tony Cardenas, har reagert og sendt klagebrev til presidenten for det amerikanske filmakademiet.