Dagbladet kommenterer demonstrasjonen mot IS/Isil og profetens Ummah førre måndag ved å gje ordet til Hege Storhaug. I eit framheva debattinnlegg 27. august skriv ho at 19 år gamle Faten Mahdi Al-Husseini som heldt appell på demonstrasjonen ikkje er truverdig når ho tek avstand frå drap og tortur i islams namn, sidan ho er medlem i ein moske som har teke imot besøk frå ein mann som er med i ei gruppe som har invitert gjesteførelesarar som er på ei liste over farlege folk. Og fordi ho bar hijab. Al-Husseini vert omtala som «den lille fredsrepresentanten for den iranskfinansierte moskeen».