- Kommunereforma vil gi færre og meir folkerike kommunar, og dermed kjem truleg fleire kommunar til å endre styringsform. I dag blir dei aller fleste styrt etter formannskapsmodellen, der medlemmer frå kommunestyret er ansvarlege for den daglege, politiske styringa. Ordføraren er den øvste politiske leiaren, formannskapet består av politikarar frå fleire parti – som er valt ved forholdsval, og administrasjonen blir leia av ein rådmann. Ei handfull kommunar, med Oslo, Bergen og Tromsø, har derimot eit parlamentarisk styresett. Her har fleirtalet i bystyret valt eit byråd, eller ei «byregjering» som opererer omtrent som ei regjering. Byrådet forvaltar fleirtalsmakta frå bystyret, opposisjonen er ikkje med i byrådet, administrasjonen har mindre makt – og ordføraren er ein gallionsfigur.
Bystyring
Leder