Arbeids- og sosialministeren har ute til høyring eit notat kalla «Et enklere tiltakssystem tilpasset brukernes behov». Her blir det føreslått at tiltak som i dag omfattar om lag 9000 attføringsplassar skal setjast ut på anbod i ein open marknad. Grunngjevinga er at gjennom anbod der også kommersielle aktørar kan delta, blir det fleire tilbydarar. Då blir konkurransen større og det vil fremma kvaliteten på tilboda, slik at dei også vil vera betre tilpassa brukarane sine behov. Sjeldan har eg lest eit dokument der grunngjevinga er så lite dokumentert.