Ordskiftet kring omskjering har nådd nye høgder med Helseminister Bent Høies forslag om tilrettelegging for omskjering av gutar på norske sjukehus. Debatten om omskjering er ikkje ny, spreidde røyster har i mange år argumentert for vern av gutekroppen så vel som jentekroppen mot omskjering og kjønnslemlesting. Omskjering er i strid med fleire av punkta i barnekonvensjonen, som Noreg og alle FN-land, unntatt Somalia og USA, har ratifisert. Debatten er altså global, og der er ei veksande rørsle mot omskjering av gutar innan jødiske, muslimske og sekulære miljø.