Om du tilfeldigvis er i Buenos Aires og treng ein penn, er det ingen vits i å gå til ein bokhandel. Men det er mange andre grunnar til å oppsøke argentinske bokhandlar. Dei har bøker, mange bøker – og berre det. Å komme til Eterna Cadencia, ein berømt bokhandel som også er eit forlagshus, er som å stige inn i ei magisk hole. Veggane fylte med verdslitteraturen på spansk, små sofakrokar der ein kan stikke seg unna med ei bok, ein hyggeleg kafé. Ingen pennar, men Askildsen og Ullmann saman med Proust og Lispector. Denne bokhandelen fekk ekstra stor merksemd da dei for halvanna år sidan lanserte «Boka som ikkje kan vente».