«Bli lærar!» var yrkesrettleiinga norske lærarar gav eigne ungar for ein mannsalder sidan. Sjølve kom dei frå ein generasjon som dreiv fram ein utdanningsrevolusjon. Mange hadde komme frå karrige kår i bygd og by. Brått kunne dei kostbare draumane om utdanning settast ut i livet ved hjelp av den nye Lånekassa, og bondestudentar strømte inn på universiteta. Utdanninga deira vart sett pris på i eit Norge med framtidstru, så sterkt at lenge vart lektorane utnemnt av Kongen i Statsråd.