Om nokre år eller tiår sit kanskje både du som les og eg som skriv på aldersheim og tenkjer attende på liva me har bak oss. Me tenkjer på barn og barnebarn og om dei har skikka seg bra, om me sjølve har hatt gode sosiale liv, på artistar me har høyrt og bøker me har lese og folk me har møtt og fjelltoppar me har vore på og storfiskar me har fått på kroken. Men framom alt dette vil me tenkje på arbeidsliva våre. Har våre dagar på jorda gjort den til ein betre stad, vil me spørje. For det er det som er det fremste ønsket til dei fleste av oss, at me bruker vår stund på jorda til nytte for våre medmenneske.