Når ein ser landskapsbileta til Einar Sigstad er det lett å kjenna seg att: Rondane, Olden, Stryn – det er nokre av dei mest reproduserte postkortmotiva frå norske fjell og fjordar og topografien er nitid gjenskapt. Dobbelt attkjenneleg blir bileta, sidan dei på ulike vis – gjennom utsnitt, koloritt, detaljar – minner oss om nasjonalromantikken si autoritære tolking av kva eit norsk landskap er. Dette er den type landskap som vart ikoniserte av J.C. Dahl, Tidemand og Gude.