Både Utlendingsnemnda (Une) og politiet var klar over at ei rettssak var under førebuing da ei iransk kvinne og hennar tre barn vart tvangssende frå Noreg til Iran i førre veka. Ho hadde levd i dekning i Bergens-området etter at ho fekk avslag på asylsøknaden i 2003. I Iran vart ho fengsla, og kom først ut av fengslet etter at familien hennar hadde forhandla med iranske styremakter og betalt den summen dei kravde, opplyser Knut Mannsåker, som er advokat for kvinna.