Som ein del av reformene ved universiteta skal institutta i framtida få større del av finansieringa basert på kor mykje vitskap dei tilsette produserer. Utdanningsdepartementet må difor ta stilling til kva for publikasjonar som kan reknast som vitskaplege og kva som er meir ålmenn formidling. For mange publikasjonar er skiljet openbert, men mellom publikasjonane i dei norske ålmennkulturelle tidsskrifta er det ei gråsone. Eit utval under Universitets- og høgskulerådet har greia ut spørsmålet og foreslår at tidsskrift som Nytt Norsk Tidsskrift og Kirke og Kultur skal reknast som vitskaplege publikasjonskanalar, medan Samtiden og Syn og Segn fell utanfor definisjonen.