Vi noterer

… at Victor Malm skriv om «Norges förnedring av Sverige» i Expressen, fordi Norge tok storeslem i Nordisk råd (meir til høgre på sida her), men òg fordi Thure Erik Lund har blitt omsett til engelsk og gjer det skarpt der borte. No har endåtil verda byrja å tilskrive oss dei største svenske forfattarane: spanske El Mundo omtalar ein ny roman av «el escritor noruego» Steve Sem-Sandberg. Sem-Sandberg er sant nok fødd i Oslo og har norske foreldre, men litt svensk er han vel likevel? Om han ikkje har skifta statsborgarskap, då? Fornedringa er uansett total!