Realisme eller draum?

Mange har eit nært forhold til «Fanny og Alexander», Ingmar Bergmans tre timar lange Oscar-vinnande filmepos frå 1982, særleg fordi den er blitt ein juleklassikar på fleire TV-kanalar. Men det er få som har freista å ta historia til scena før Arne Lygre i 2023 dramatiserte den for Rogaland Teater, og i haust har både Teatret Vårt i Molde og Trøndelag Teater nytta same dramatiseringa. Framsyninga i Molde var ei forenkla utgåve tilpassa turné, medan regissøren Hanne Tømta har kunna nytte langt breiare pensel på Trøndelag Teaters hovudscene.