Skråblikk på ml-historia

For ti år sidan sette Hålogaland Teater opp «Vestregate», om livet i ei gate i Tromsø, skrive av Maja Bohne Johnsen. Som utanbys meldar trefte den ikkje meg sjølv om den blei ein lokal suksess. Nå har Johnsen skrive eit drama om ei anna gate, «Grønnegata», og nok ein gong i regi av Nina Wester. Den handlar om 1970-talets ungdomsopprør, draumar og visjonar, og meir spesifikt om AKP (m-l) og Oktoberbokhandelen i Grønnegata som i 1977 blei sprengd av nynazistar i det første terroråtaket i Norge etter krigen.