Vi noterer

... at Singapore betalar folk for å lese! 15 minutt må du klokke inn for å få 20 virtuelle myntar, og med 1000 slike kan du hente ut ein singaporsk dollar. Vanskeleg å bli rik av, men ifølgje The Guardian er tiltaket eit ledd i kampen mot doomscrolling. Metoden er ikkje uprøvd i landet, som før har premiert det å gå nokre steg med supermarknadkupongar (kan ein bruke dei på sjokolade, spør vi). Tiltaket kjem i landet som toppar PISA-rankinga for lesing. Forslag til lokal variant i landet på 25. plass? Bolle og sjokomjølk til alle som høyrer ei lydbok!