Kjærleikens klassereiser

Mattis Øybø

Mitt første ekteskap

Forlaget Oktober 2026, 298 sider

Den første setninga i ein roman set stemninga og gir vanlegvis eit hint om kven og kva forteljinga skal handle om. Første setning i Mattis Øybøs sjette roman er «Han hadde falt ned fra taket.» Assosiasjonane i retning tapt kontroll og ulukker i heimen står godt til romantittelen «Mitt første ekteskap» – nummeret kan jo ikkje bety anna enn romantisk havari. Men det viser seg at «han» er ein biperson, den nye ektemannen til kvinna i det skilte paret romanen handlar om. Så – kvifor starte der? Også når boka er lest ferdig, sit eg med kjensla av at det er noko som ikkje heilt klaffar.