Vi noterer

... at Erling Braut Haaland les visst ikkje så mykje, men når han først skal lese, er ikkje prisen på boka til hinder: 1,3 millionar kroner betalte han for ei tidleg utgåve av Snorres kongesoger. Det er tidenes dyraste norske bok, men verdas dyraste norske fotballspelar gir den vidare til heimkommunen Time, der den skal få skine på biblioteket. Samstundes startar han lesekonkurranse for å stimulere til leselyst: «[Det er] lettere å få lyst til å lese, når man kan kjenne seg igjen i de som det er skrevet om», seier han om valet av Snorre. Først må ein berre lære seg gotisk skrift.