Vi noterer

... at Litteraturhuset i Trondheim startar ny festival: Nordisk litteraturfest. Målet er å vise kva vi har sams over landegrensene, men også å feire det som gjer oss ulike. Festivalen er 18.–20. april, og på festegjestelista står danske Thomas Korsgaard, samiske Elin Anna Labba frå Sverige, norske Kjersti Annesdatter Skomsvold og ikkje minst islandske Hallgrímur Helgason, som du kan lese meir om i vårt vekentlege bidrag til Nordisk samhald og splid på side 7.