Vi noterer

… at 2026 har bydd på mykje rart, og éin ting vi ikkje såg kome, var at bookstreaming skulle bli trendy. Kai Cenat – du veit, verdas mest populære livestrøymar – har droppa maratonsendingar med kjendisar og fjas og i staden byrja å lese bøker framfor kamera. Han les mest sjølvhjelpsbøker, men ifølgje Cosmopolitan har rapparen Doechii gitt han eit godt råd: «Prøv nokre Toni Morrison-bøker. Dei har utvida vokabularet mitt og evna mi til å skildre ting, og rett og slett gjort hjartet mitt litt mjukare.»