Skal eg ikkje eingong få forfalle utan at det er eit medvite val?

I morgon blir eg femti år. Nei, det blir eg ikkje, i morgon blir eg 48 år, og det følast som om eg har vore snart femti i ti år. På enkelte områder er eg betydeleg eldre, til dømes føretrekkjer eg p1+ og landsbykrim på tv framfor p13 og «Adolescence». Eg høyrer dårleg, trur eg, i alle fall lener eg meg ofte framover for å høyre betre, merkar at eg gjer det og lener meg difor litt tilbake, så eg ikkje skal bryte noko intimsone eller avsløre dårleg ånde eller sveittelukt frå ein altfor mykje brukt genser.