Vi noterer

... at denne veka prøvde nokre tjuvar å ta seg inn i gullsmeden Bjørklund på Romerikssenteret på Kløfta. Men dei bomma, og hamna i staden i ARK-bokhandelen ved sidan av! Ein skulle tru det framleis var noko gull å finne der, men VG fortel at tjuvane, som kom inn via taket, raskt prøvde å ta seg vidare gjennom veggen til gullsmeden. Heller ikkje det klarte dei, og bak ein kommode med bestseljarar låg det att ein hammer, eit kubein og eit halvt hòl i veggen. Tør vi tipse tjuvane om å ta ein titt i lærebokhylla for yrkesfag ved neste innbrot?