Kven tek byrda?

Fyldige avisannonsar for «Aksjon for borgarleg valgseier» er eit nytt innslag i valkampen. Aksjonen sitt einaste åtaksmål er formuesskatten, som blir hevda å «straffe» norske eigarar, familiedrifter og ikkje minst gründarar. At inntekts- og formuesfordelinga i Noreg blir stadig meir ulik, er eit ikkje-tema i desse annonsane. Ein rapport frå SSB viser at halvparten av befolkninga eig berre ein tjuandedel av total nettoformue, medan den rikaste hundredelen eig over ein femtedel. Forskjellane i formue er komne så langt at den rikaste prosenten sine inntekter i hovudsak er bestemte av avkastinga på deira formuar (Aaberge m.fl., SSB, 2021).