Palestinsk Oscar-film på kino i dag

I dag er det kinopremiere på den både kontroversielle og Oscar-nominerte dokumentaren «No Other Land». Filmen er tatt opp i Masafer Yatta på Vestbreidda gjennom fleire år fram til hausten 2023, og skildrar palestinske familiar sin daglege kamp mot okkupasjon og destruksjon av hus og jord. Trugsmåla kjem både frå den israelske hæren og væpna israelske busettarar. Saman følgjer palestinske Basel Adra og israelske Yuval Abraham både riving og gjenoppbygging.