Vil omstillinga til nye berekraftige energiformer nokon gong finne stad? Neppe innan 2050, og kanskje ikkje på lang tid, er svaret til Jean-Baptiste Fressoz i ein ny og veldokumentert energihistorie, «Sans transition: Une nouvelle histoire de l’énergie». Fressoz, som er forskar ved Centre national de la recherche scientifique (CNRS) i Paris, legg vekt på den avstanden det er i den offentlege retorikken om omstilling frå fossile til berekraftige energikjelder og i kor stor grad dette faktisk er mogleg. Det er ingen samanheng mellom miljøtiltak som å køyre elektriske bilar og resirkulere plast og ei verkeleg omstilling til miljøvenlege energiformer. Ein kan ikkje få ei reell omstilling utan å avkarbonisere materiala som samfunnet vårt er bygd opp med. Sivilisasjonen vår er bygd på bruken av fossile energikjelder, og dette kan ikkje ordnast med enkle tekniske middel.
Trua på energiomstillinga er kapitalens ideologi for det 21. hundreåret, hevdar Jean-Baptiste Fressoz.
Ei ny energihistorie
