Utgjevinga «Solplomme» er eit samarbeid mellom poet og teknoartist, bestilt til Dei Nynorske Festspela i 2023. Anna Kleiva er poeten, og tekstane hennar tar utgangspunkt i jonsok, i førestillingane om korleis verda opnar seg mot det magiske og mystiske denne natta. Ho knyter det til ein konkret stad, der familien hennar kjem ifrå, oppe i fjella i nærleiken av Ørsta.
«Solplomme» bør nok helst opplevast som oppført verk, men også som fysisk utgjeving opnar den døra mot røyndomen me har tapt.