Førre veke gjekk oljemessa ONS, som diverre ikkje står for «one night stand», men det litt mindre leikne Offshore Northern Seas, av stabelen i Stavanger. Årets messe hadde temaet «Imagine» (ja, som John Lennon sa det), og Aker BP-sjefen tok dette til hjartet. Til Dagens Næringsliv greier Røkkes oljesjef ut: «Vi må ha nye store prosjekter inn. Vi må finne mer, lete mer og bygge ut mer på oljesiden. Det er helt åpenbart», før han kanskje hasta vidare forbi dei mange sivile ulydighetsaksjonane på veg til messas Dagny-konsert.
Medan fossillkjempane mingla i Stavanger, samla beitebrukarar seg nokre kilometer unna for å redusere metan i landbruket.