To viktige NOU-meldingar er sendt på høyring i 2024. Det gjeld NOU 2024:4, Voldtekt – et uløst samfunnsproblem og NOU 2024:8, Likestillingens neste steg, Mannsutvalgets rapport som begge syner til empiri om at menn er sterkt overrepresentert som valdsutøvarar og kvinner er den gruppa som blir sterkast råka av menn si vald. Ein skulle tru at dette faktagrunnlaget skulle kunne danne grunnlag for ein grundig refleksjon rundt menn si vald mot kvinner, men i Mannsutvalget sin rapport, som endåtil frimodig er kalla likestillingens neste steg, blir det nokså overflatisk, og det er vanskeleg å sjå at Mannsutvalget sjøl har teke denne problemstillinga på alvor.