Kven krympa pre­si­dent­kan­di­daten?

Posting av familiefoto i sosiale media er risikosport for maktfolk. Sist ut til å merka det, er Donald Trump. Donald jr. la i påska ut eit smilande bestefarfoto av sr. flankert av barnebarna. I andre familiar ville det mest oppsiktsvekkjande vore at dei yngste held kvar sin ballongfigur forma som farfaren i raudt slips og med gul hentesveis. Men dette fotoet er ei melding frå Trump-dynastiet, og Donald sr. er ein straffeforfølgt ekspresident, skulda for å ville styrta demokratiet, på «stø» kurs mot eit nytt presidentval. Kva meir enn propaganda kan ein lesa ut av bildet?