Landslova til Magnus Lagabøter frå 1274 vert no hylla etter 750 år. Klassekampen hadde 31. januar ein gjennomgang der det heilt rett vert hevda at lova tydde ei sentralisering av makta i Noreg. Det er likevel grunn til å minne om at lova dermed óg tydde åtak på retten til å ta seg arbeid andre stader enn der ein høyrde heime. Jakta på lausgjengarane fekk gode kår med den nye lovboka i handa. Folk fekk påbod om å ta arbeid til låg løn og vere bufaste.