Etter mange år der ingenting skjedde, ordna innbyggarane på Undheim i Time endeleg ein sykkelsti sjølv. Dei hadde sett seg leie på at pengane aldri kom. I god jærsk tradisjon vart det meste gjort på dugnad, og endeleg kunne ungane sykla og gå trygt til skule og fritidsaktivitetar. Det var berre ein hake: Sykkelstien tilfredsstiller ikkje dagens standardar, og er vel noko frynsete i kanten her og der. Saka har dermed fått eit etterspel i kommune og fylkeskommune. Enden på visa er at kommunen må betala for diverse oppgraderingar og at sykkelstien har blitt døypt om til «tursti».
Me står i ein stolt tradisjon frå motkulturane, og stoler på eigne krefter.