Vi noterer

... at bokmessa i Kyiv held stand, trass i krigen. I fjor var den naturleg nok avlyst, men i år går den, naturstridig nok, av stabelen frå 22. til 25. juni. Ifølgje Bok365 set dei av ein eigen del av messeområdet til krigslitteratur utgitt etter 2014, skrive av soldatar, veteranar og pårørande. Det heile skjer på kulturinstitusjonen Mystetskyi Arsenal, og fryktinngytande nok opplyser arrangørane om at det er bomberom tilgjengeleg i lokalet.