Nokre gonger går me oss vill i gårsdagens ord og tolkingar, og kraftdebatten er eit eksempel på det. Stadig høyrer eg ordet «kraftsosialist» bli brukt i ei tyding som tilhøyrer sosialdemokratiets gullalder på 60- og 70-talet. Også den gongen sto store kraftutbyggingar mot natur, lokalsamfunn og tradisjonelle næringar. Kraftsosialistane var dei som sa «meir av alt – raskare», for å sitera årets rapport frå den regjeringsoppnemnde energikommisjonen. Lokalsamfunn som dei i Røldal og Suldal vart påført svære naturinngrep for at storsamfunnet skulle ha tilgang på kraft.
Me treng ein samfunnskontrakt i energipolitikken.