Me har nokså god beredskap i Norge mot krigar, brannar, terroraksjonar og kriminalitet, og me har betre helsevern enn dei fleste land. Men det kan kome naturkatastrofar som store vulkanutbrot, solstormar eller øydeleggjande vindar, flaumar eller jordras. Det kjem epidemiar og pandemiar. Det kan kome drepande sjukdommar på husdyr og planter. Forureining og naturskadar kan rive livsgrunnlag vekk. Terrorhandlingar til dømes mot kraftverk og straumtilførsle kan øydeleggje. Kontantsamfunnet er nesten borte, og alternativa er sårbare. Den stabile etterkrigsveksten me nordvest på kloden har vore gjennom, kan vise seg å vere ein stutt unntaksperiode.
Kva om straumen blir borte, og soyabåten frå Brasil ikkje kjem?