I 2021 fekk afrikansk litteratur eit oppsving. Men på kontinentet dei kjem frå, fekk bøkene trongare kår.

Afrikas år – i Europa

KronikkAsbjørn Eidhammer, tidlegare ambassadør, evalueringsdirektør i Norad og tidlegare ledar av internasjonalt utvalg i Norsk faglitterær forfatter- og oversetterforening23. feb. 2022

PÅ BORTEBANE: Tsitsi Dangarembga tek imot ein litteraturpris i Frankfurt i fjor. Men i heimlandet Zimbabwe, som i mange afrikanske land, står det dårlegare til for boka, skriv kronikkforfattaren. FOTO: THOMAS LOHNES, AFP/NTB THOMAS LOHNES

Det er gledeleg at Litteraturhuset i Oslo nå i februar starta opp eit eige program med afrikansk litteratur for fire år framover. Og når det gjeld bøker, har det vore Afrikas år. Dei fremste litteraturprisane i Europa gjekk i haust til forfattarar med røter på dette kontinentet. Men i afrikanske land er bøkene til dei same forfattarane knapt tilgjengelege for vanlege folk.