Ein samrøysta Høgsterett slo 11. oktober fast at konsesjonen til vindkraftutbyggingane i reinbeiteområda på Fosen var ugyldig fordi utbyggingane krenkjer samane sin rett til kulturutøving og derfor er i strid med FN-konvensjonen om sivile og politiske rettar. Denne dommen råkar saksbehandlinga til Noregs vassdrags- og energidirektorat (NVE) med full tyngde og reiser spørsmål ved andre sider ved deira saksbehandling.