Framand for verda

Kanskje har du allereie møtt den svenske kunstnaren Mamma Anderssons gåtefulle verk, utan heilt å vere klar over det sjølv: Hennar måleri «Dog Days» (2011) prydar omslaget til Karl Ove Knausgårds roman «Morgenstjernen», og har såleis funne vegen inn i tusenvis av norske heimar. (Knausgård har også bidratt med eit essay til utstillingas katalog). Biletet, som no er ein del av kunstnarens soloutstilling på Louisiana utanfor København, er ein framifrå introduksjon til Anderssons kunstnariske univers.