Me ser på vêrdama eller vêrmannen, og me snakkar om vêret. (Nynorsk har vêr, bokmål har vær – både om hanndyret av sau og tilstanden i luftlaget.) Meteorologane si snakking er dagens tema. Lat oss forresten først ta meteorologi, uttalen åleine stiller visse krav ... Det er gresk for ‘læra om lufta; atmosfæren’. Meteor er ein gjenstand som kjem inn ‘i atmosfæren’. Temperatur, frå latin temperare ‘å blanda’, er blandinga av kaldt og varmt. Ein persons temperament er vedkomandes blanding av sinnelag (‘kroppsvæsker’, trudde dei før). Og temperert klima er blanda vêrlag.
Gløym å småprata; meteorologane må formidla kort og sakleg om vêret.
Vêrorakla
