Det er landsmøtesesong i norsk politikk, dermed tid for partileiarane sine landsmøtetalar. Det er gått sport i å snakke om einskildpersonar som skal få nyte godt av det aktuelle partiet sin politikk. Då Ap-leiar Jonas Gahr Støre skulle halde sin tale, fekk ein film med Thorild, Malin, Ingrid, Joakim, Therese, Mohamed, Lars og Kristine sette tonen før Støre entra det digitale podiet, sittande framoverbøygd med ein kaffikopp i handa. «Filmen er ei påminning om kven vi er til for», sa Støre.