Dei døde borna i Rama

Kva meiner ein eigentleg når ein seier «ramaskrik»? Ut frå den gjengse bruken, kan det vere nærliggande å tolke det som eit skrik som er ein overdriven dramatisk reaksjon, frå overdrivent dramatisk anlagte folk. Ein kan bli forleda til å tru at det er eit ord som er i slekt med «syting og klaging», slikt som folk driv med når dei har det for godt. Eller slikt ein driv med når ein har tatt koronatest og samanliknar det med å få ein tannbørste opp i hjernen, i staden for å bite det i seg og gå vidare i livet.