TROLLBINDAR

I løpet av dei siste 50 åra har det skjedd eit dramatisk skifte ikkje bare i vår forståing av kva skjønnlitteratur er for noko, men i vår forståing av korleis språket fungerer i det heile tatt. Her til lands er eit av dei sentrale namna i denne samanhengen Erling Kittelsen. I år fyller han 75 år, og då er det passande med ei utgjeving av «Dikt i samling». Lesinga av denne boka byr på store kunstopplevingar, og gjev samstundes eit innsyn i den hemmelege litteraturhistoria, den som handlar om korleis alt forandra seg utan at nokon la merke til det.